جاڭا حابارلار

بيىل رايونىمىز استىق پەن ماقتانىڭ قامداۋ جاعىنداعى قۇرىلىمدىق رەفورماسىن اناعۇرلىم تەرەڭدەتەدى

    كەلۋ قاينارى: شينجياڭ حالىق راديو ىستانسياسى    2018-02-13 12:20:49  

شينجياڭ گازەتىنىڭ حابارى: بيىل رايونىمىز ەكى جىلدىڭ الدىنداعى تۇيىندە سىناق ەتىپ ىزدەنىس جاساۋ نەگىزىندە، ءبيداي، جۇگەرى، ماقتانىڭ قامداۋ جاعىنداعى قۇرىلىمدىق رەفورماسىن اناعۇرلىم تەرەڭدەتىپ، شينجياڭداعى نەگىزگى ەگىس داقىلدارىمەن قامداۋ ساپاسىن جانە ونىمدىلىگىن كەڭ كولەمدە جوعارىلاتىپ، وندىرىستە سانعا ءمان بەرۋدەن ساپاعا قاراي بۇرىلىس جاساۋعا كۇش سالادى ەكەن.
بيىل رايونىمىز ءبيدايدىڭ جالپىلىق ءونىم مولشەرىن ورنىقتىرۋ نەگىزىندە، بۇكىل رايونىمىزداعى 9 ايماق-وبلىس، 13 اۋدان-قالادا بيدايمەن قامداۋ جاعىنداعى قۇرىلىمدىق رەفورما سىناق ءتۇيىنى قىزمەتىن ورىستەتىپ، ءبيداي سورتىن وڭىرلەرگە ءبولىپ زەرتتەۋ قىزمەتىن بەلسەنە ىستەپ، سەلەن قۇرامى مول ءبيداي، ورگانيكالى ءبيداي سياقتى سورتتاردى ولشەمدەندىرىپ ءوندىرۋ جانە ايگىلى ماركا جاراتۋ سىناق ءتۇيىنى قىزمەتىن ويداعىداي ىستەپ، قامداۋى ءتىپتى دە پارمەندى، پايدالانىلۋى جان-جاقتىلى، قۇرىلىمى ۇيلەسىمدى ءبيدايمەن قامداۋ جۇيەسىن قالىپتاستىرادى ەكەن.
تانىسترۋعا قاراعاندا، بيىل رايونىمىز جۇگەرى وندىرىسىندە شينجياڭنىڭ جوعارى ساپالى، جوعارى ءونىمدى جۇگەرى ءوندىرۋ باسىمدىلىعى مەن ابزالدىلىعىن ساۋلەلەندىرىپ، تۇقىمدىق جۇگەرى، ەرەكشە سورتتى جۇگەرى، سۇرلەمدىك جۇگەرى جانە جۇقا سۋلياۋسىز وندىرلەتىن جۇگەرى ەگۋ سىناق ءتۇيىنى قىزمەتىن بەلسەنە ورىستەتىپ، 7 ايماق-وبلىس، 9 اۋدان-قالادا جۇگەرىمەن قامداۋ جاعىنداعى قۇرىلىمدىق رەفورما سىناق ءتۇيىنى قىزمەتىن ىستەپ، جۇگەرى ءوندىرىسىن جوعارى ءونىمدى، ساپالى، ءتۇسىمدى، جاسىل دامۋ سىندى ورتاشا جانە جوعارى ولشەمدەگى دامۋ جولىنا تۇسىرۋگە كۇش سالادى ەكەن.
ماقتا وندىرىسىندە، رايونىمىز ماقتا ساپاسىندا ۇزدىك ساپالى، جاسىل بولۋ، كاسىپ جۇيەسىندە جاڭالىق اشۋ باعىتىنا تاباندى بولىپ، 6 ايماق-وبلىس، 12 اۋدان-قالادا ءبىر ميلليون 101مىڭ مۋ جەرگە رەفورما سىناق ءتۇيىنى قىزمەتىن ىستەيدى ەكەن. مۇندا كوڭىل بولۋگە تاتيتىنى، بيىل ماقتانىڭ قامداۋ جاعىنداعى قۇرىلىمدىق رەفورماسىندا «وڭتۇستىك شينجياڭ مەن سولتۇستىك شينجياڭدا پارىقتى بولۋ»، «ساپاسىن جوعارىلاتۋ، وزىندىك قۇندى تەجەۋ، ونىمدىلىكتى ارتتىرۋ» سىندى دامۋ وي جەلىسىنەن جازباي، وڭتۇستىك شينجياڭ مەن سولتۇستىك شينجياڭنىڭ ۇقساماعان ءوندىرىس ەرەكشەلىگىن كورنەكتىلەندىرىپ، جان-جاقتىلى رەفورما شارالارىن اتقارادى ەكەن. وڭتۇستىك شينجياڭدا ماشينامەن تەرىلەتىن ماقتا جانە ماقتانى شوعىرلى ەگۋ تەحنيكاسى ءتۇيىندى جالپىلاستىرىلسا، ال سولتۇستىك شينجياڭدا ماشينامەن تەرىلەتىن ماقتانىڭ وزىندىك قۇنىن تومەندەتۋ، زەردەلى ەگىنشىلىك سىندى ءوندىرىس سىناق تۇيىنىنە باسا ءمان بەرىلىپ، ماقتا وندىرىسىندەگى بايلىق قۇراۋىنا يەك سۇيەيتىن جاعداي وزگەرتىلىپ، نەگىزگى قاجەتتى قاناعاتتاندىرۋدان ساپاسى جوعارى، وزىندىك قۇنى تومەن، تيىمدىلىگى كورنەكتى بولۋ باعىتىنا قاراي بۇرىلىس جاسالادى ەكەن.


بەرىپ كەت ورامالىڭدى

دوستار

الىستاعى اق ەركە