باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شاعان قارساڭىندا رايونىمىزدىڭ باسىم كوپ جەرى لايىقتى باعاداعى زاپپاس ەتتى بازارعا سالىپ، مەرەكە كەزىندەگى بازار قاجەتىن قاناعاتتاندىردى

    كەلۋ قاينارى: شينجياڭ حالىق راديو ىستانسياسى    2018-02-13 12:48:30  

ستانسيامىزدىڭ جيناق حابارىن تىڭداڭىزدار: بىرنەشە كۇننەن بەرى، رايونىمىزدىڭ كوپتەگەن جەرى شاعاننىڭ الدىنداعى لايىقتى باعاداعى زاپاس ەتتى بازارعا سالىپ، شاعانداعى بازار قاجەتىن قاناعاتتاندىردى.
10-اقپاننان 13-اقپانعا دەيىن، ءۇرىمجى قالاسى قوسىمشا ازىق-تۇلىك، كوكونىستى تىكە ساتاتىن، حالىققا قولايلى سيىر-قوي ەتىن ساتاتىن 91 دۇكەنگە قالا دارەجەلى زاپاس ەت جەتكىزدى. قوي ەتىنىڭ كيلوگرامى 35 يۋان، سيىر ەتىنىڭ كيلوگرامى 48 كيلوگرام بولىپ، بازار باعاسىنان گيلوگرامى 20 يۋان مولشەرىندە ارزان بولدى. ءۇرىمجى قالاسىنداعى تومەن كىرىستەگىلەردى قامتاماسىزداندىرۋ كۋالىگى، مۇگەدەكتەر كۋالىگى، الدىمەن قامقورلىق جاسالاتىندار كۋالىگى بارلاردىڭ الدىمەن ساتىپ الۋىنا بولادى. ءۇرىمجى قالاسىنىڭ تۇرعىنى تۇرسىن قاسىم بىلاي دەدى: «500 يۋاننىڭ ۇستىندە ەت ساتىپ الدىم، وتە جاقسى ەكەن، شاعاندا تۇتىنامىز».
ۇعىسۋعا قاراعاندا، شاعاننىڭ الدىندا ەت بازارىن قامداۋدى قامتاماسىز ەتىپ، ەتپەن قامداۋ قىزمەتىن ويداعىداي ىستەۋ ءۇشىن، ءۇرىمجى قالالىق ساۋدا مەكەمەسى (استىق مەكەمەسى) بىرنەشە تاراۋمەن سەلبەسىپ، ەتتىڭ ءتۇرى، سانى سياقتىلاردى مەرزىمنەن ءبىر اي بۇرىن مەجەلەگەن، ءارى باعا، ساپا سياقتىلاردى ەگجەي-تەگجەي زەرتتەگەن. ءۇرىمجى قالالىق ساۋدا مەكەمەسى (استىق مەكەمەسى) بازار اينالىمىن باقىلاۋ-تەكسەرۋ باسقارماسىنىڭ باستىعى جىڭ گۋاڭچيڭ بىلاي دەدى: «سيىر-قوي ەتىن ساتاتىن 41 ورىندى كوبەيتىپ، تاۋىق ەتىن ساتاتىن بۇرىنعى 12 دۇكەندى 18 گە جەتكىزدىك».
8-اقپاننان 12-اقپانعا دەيىن، فۋكاڭ قالاسى حالىققا قولايلى كوكونىستى تىكە ساتاتىن 14 دۇكەنگە 55 توننا زاپاس ەت جەتكىزدى. فۋكاڭ قالاسىنىڭ تۇرعىنى جيڭ شياڭفۋ تاڭەرتەڭ ەرتە حالىققا ءتيىمدى كوكونىستى تىكە ساتۋ دۇكەنىنەن 5 كيلوگرام سيىر ەتىن ساتىپ الدى. ول بىلاي دەدى: «ۇكىمەت سيىر ەتىنە قوسىمشا قاراجات بەردى، ءبىز ءبىراز ەت ساتىپ الىپ سۇرلەپ، شاعان وتكىزبەكپىز، ەتتىڭ ساپاسى جاقسى ەكەن».
اراسان اۋدانى 4 ەرەن بازاردى زاپاس ەتپەن قامدادى، تومەن كىرىستەگى قيىنشىلىعى بار وتباسىلاردىڭ ءار كيلوگرامىن تاعى 5 يۋان ارزان ساتىپ الۋىنا بولادى. 61 جاستاعى تومەن كىرىستى وتباسى ۋي تيانيۋ بىلاي دەدى: «اۋداندىق ۇكىمەت دايىنداعان وسى زاپاس ەت ارزان، مەن 6، 7 كيلوگرام الدىم، ۇكىمەتتىڭ بۇقاراعا جاساعان قامقورلىعىنا راحمەت».

ءان الەمى

جول توسىلىپ قالدى

تۇلپارىم