جاڭا حابارلار

اۆتونوميالى رايون كوكتەم مەرەكەسىن قارسى الۋ بايلانىسىمەن ارميا مەن جەرگىلىكتى ورىننىڭ اڭگىمە ءماجىلىسىن وتكىزدى

    كەلۋ قاينارى: شينجياڭ گازەتى    2018-02-13 20:22:54  

چىن چۋانگو اڭگىمە ماجىلىسكە قاتىناستى ءارى ءسوز سويلەدى
شوكىرات زاكىر، شاۋكەت يمىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين اڭگىمە ماجىلىسكە قاتىناستى

10 - اقپاندا اۆتونوميالى رايون كوكتەم مەرەكەسىن قارسى الۋ بايلانىسىمەن ارميا مەن جەرگىلىكتى ورىننىڭ اڭگىمە ءماجىلىسىن وتكىزدى. اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو اڭگىمە ماجىلىسكە قاتىناستى ءارى ءسوز سويلەدى.
  سۋرەتتى ءتىلشىمىز سۇي جىجيان تۇسىرگەن

 ءتىلشىمىز ياۋ تۇڭ 11 - اقپاندا ۇرىمجىدەن حابارلايدى. 10 - اقپان ءتۇستىڭ الدىندا اۆتونوميالى رايون كوكتەم مەرەكەسىن قارسى الۋ بايلانىسىمەن ارميا مەن جەرگىلىكتى ورىننىڭ اڭگىمە ءماجىلىسىن وتكىزىپ، كوكتەم مەرەكەسىن قارسى الىپ، ەتەنە سۇيىسپەنشىلىكتى اقتارىلا اڭگىمەلەپ، شينجياڭنىڭ ورنىقتىلىق، دامۋ جوسپارىن بىرگە اقىلداستى.
  اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو اڭگىمە ماجىلىسكە قاتىناستى ءارى ءسوز سويلەدى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اڭگىمە ءماجىلىستى باسقاردى. اۆتونوميالى رايوننىڭ پارتيا، ۇكىمەت، ارميا ورىندارىنىڭ باسشىلارىنان شاۋكەت يمىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين، ليۋ ۋانلۇڭ، لي ۋي، شۇي حايرۇڭ، ما شۋەجۇن، تيان ۋىن، سارقىت اقان ۇلى، جاڭ چۇنلين، جاروللا يسامدين اڭگىمە ماجىلىسكە قاتىناستى.
  ءماجىلىستىڭ الدىندا، چىن چۋانگو، شوكىرات زاكىر باستاعان باسشىلار شينجياڭدا تۇراتىن حالىق ازاتتىق ارمياسىنىڭ جانە قارۋلى ساقشى بولىمدەرىنىڭ باسشىلارىمەن ىقىلاسپەن قول الىسىپ، ءوزارا مەرەكەنى قۇتتىقتاستى.
  چىن چۋانگو سوزىندە اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، بيڭتۋان جانە بۇكىل رايونىمىزداعى ءار ۇلت حالقى اتىنان، شينجياڭدا تۇراتىن حالىق ازاتتىق ارمياسىنىڭ جانە قارۋلى ساقشى بولىمدەرىنىڭ بارلىق كوماندير - جاۋىنگەرلەرىنە، ارميادان دەمالىسقا، پەنسياعا شىققان كادرلارعا، اسكەري قۇربانداردىڭ وتباسىنداعىلارعا، مۇگەدەك اسكەريلەرگە، ارميادان كاسىپ اۋىستىرعان، ارميادان بوساعان، قوسىننان شەگىنگەن اسكەريلەرگە، زاپاستاعى حالىق جاساقتارىنا كوكتەم مەرەكەسى بايلانىسىمەن قۇتتى بولسىن ايتتى جانە ىزگى تىلەك ءبىلدىردى، مەرەكە كەزىندە قىزمەت ورىندارىنان تاپجىلماي قىزمەت ىستەپ جاتقان جانە وتاننىڭ شەكارا قورعانىس ءبىرىنشى شەبىندە كۇزەتتە تۇرعان جولداستاردان شىنايى حال سۇرادى جانە ولارعا وسكەلەڭ قۇرمەت ءبىلدىردى.
  چىن چۋانگو بىلاي دەدى: وتكەن ءبىر جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم بۇكىل رايونىمىزداعى ءار ۇلت حالقىن ىنتىماقتاستىرىپ، باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، «كەشەندى شارالار» اتقارىپ، ءتۇرلى ىستەردە جاڭا ناتيجەلەرگە قول جەتكىزدى. بۇل − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل ەلدەگى ءار ۇلت حالقىنىڭ قالتقىسىز كومەگىنىڭ ناتيجەسى، بۇكىل رايونىمىزداعى ءار ۇلت كادر - بۇقاراسىنىڭ ىنتىماقتاسا كۇرەس جۇرگىزۋىنىڭ ناتيجەسى، بۇعان شينجياڭدا تۇراتىن حالىق ازاتتىق ارمياسى مەن قارۋلى ساقشى بولىمدەرىندەگى قالىڭ كوماندير - جاۋىنگەرلەردىڭ جۇرەك قانى مەن ماڭداي تەرى سىڭگەن.
  چىن چۋانگو بىلاي دەپ اتاپ كورسەتتى: ءبىر جىلدان بەرى شينجياڭدا تۇراتىن حالىق ازاتتىق ارمياسى مەن قارۋلى ساقشى بولىمدەرىندەگى كوماندير - جاۋىنگەرلەر پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ پارمەندى باسشىلىعىندا، شي جينپيڭنىڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، پارتيانىڭ ارمياعا ابسوليۋتتى باسشىلىعىنا تاباندى بولىپ، ءتۇرلى رەفورما مىندەتتەرىن باتىل تياناقتاندىرىپ، اسكەري كۇرەس دايىندىعىن كۇشەيتىپ، شىنايى سوعىس كۇيىندەگى اسكەري جاتتىعۋدى، سوعىسقا دايىندالۋدى مىقتاپ يگەرىپ، اسكەري بولىمدەردىڭ وسىزاماندانۋ قۇرىلىسىن تىڭعىلىقتى ىلگەرىلەتىپ، ارميا مەن حالىقتىڭ توعىسپالى دامۋىن جەبەپ، «3 اترەت» رولىن ءونىمدى تۇردە ساۋلەلەندىرىپ، وتاننىڭ بىرلىگى مەن تەرريتوريا تۇتاستىعىن قورعاۋعا، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە ماڭىزدى ۇلەس قوسىپ، بۇكىل رايونىمىزداعى ءار ۇلت حالقىنىڭ جاپپاي القاۋىنا بولەندى. جاڭا جىلدا، شينجياڭدا تۇراتىن حالىق ازاتتىق ارميا مەن قارۋلى ساقشى بولىمدەرىنىڭ اسكەري بولىمدەردى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن جانە پارتيا 19 - قۇرىلتايىنىڭ رۋحىمەن قارۋلاندىرۋعا تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن دايەكتىلەندىرىپ، «4 تانىمدى» مىقتاپ ورناتىپ، قاشاندا ءتوراعا شي جينپيڭنىڭ قولباسشىلىعىنا بويسۇنىپ، ءتوراعا شي جينپيڭگە جاۋاپتى بولىپ، ءتوراعا شي جينپيڭدى الاڭسىز ەتىپ، شاقىرعاندا كەلە الاتىن، كەلگەندە سوعىسا الاتىن، سوعىسقاندا جەڭە الاتىن سىعايلانعان قوسىندى قۇلشىنا سومداپ، پارتيانىڭ قولباسشىلىعىنا بويسۇناتىن، جەڭىستى شايقاس جۇرگىزەتىن، ستيلى تاڭداۋلى ىسىلعان قوسىن قۇرىپ، شەكارا ءوڭىردى قورعاۋدىڭ، مەملەكەت قورعانىسىن نىعايتۋدىڭ، ورنىقتىلىقتى قورعاۋدىڭ قۇرىش قامالىن مىقتاپ سوعۋىن ءۇمىت ەتەمىن.
  چىن چۋانگو بىلاي دەپ باسا دارىپتەدى: بۇكىل رايونىمىزداعى ءار دارەجەلى تاراۋلار ارميا حالىقتى ءسۇيۋ، حالىق ارميانى قولداۋ سىندى داڭقتى ءداستۇردى كۇش سالا ساۋلەلەندىرىپ، مەملەكەت قورعانىسى مەن ارميا قۇرىلىسىنا بۇرىنعىداي كوڭىل ءبولىپ، قولداپ، ارميا مەن جەرگىلىكتى ورىن ءبىر تۇتاس جۇيە يدەياسىن مىقتاپ ورناتىپ، ارميا مەن حالىقتىڭ توعىسپالى دامۋىن تىڭعىلىقتى ىلگەرىلەتىپ، شينجياڭدا تۇراتىن حالىق ازاتتىق ارمياسى مەن قارۋلى ساقشى بولىمدەرىنىڭ قۇرىلىسىن بار كۇشپەن قولداپ، اسكەري بولىمدەر مەن قالىڭ كوماندير - جاۋىنگەرلەردى، قوسىننان قايتقان، كاسىپ اۋىستىرعان اسكەريلەردى، ارميادان دەمالىسقا، پەنسياعا شىققان كادرلاردى، اسكەريلەر وتباسىنداعىلاردى ۋايىمنان ارىلتىپ، قيىنشىلىقتارىن شەشىپ، ارميا مەن حالىقتىڭ ءبىر ءۇيلى جانداي ەتەنە سۇيىسپەنشىلىگىنىڭ جاڭا جاعدايىن ۇزدىكسىز اشۋى كەرەك.
  اۆتونوميالى رايوندىق پارتكومنىڭ تۇراقتى مۇشەسى، شينجياڭ اسكەري رايونىنىڭ ساياسي كوميسسارى لي ۋي، ستراتەگيالىق كومەك ءبولىمى سىناق - جاتتىعۋ 21 - بازاسىنىڭ ساياسي كوميسسارى كۇڭ ليڭساي، قارۋلى ساقشى شينجياڭ باس اترەتىنىڭ ساياسي كوميسسارى ۋاڭ ايگو، اۋە كۇشتەرى ءۇرىمجى بازاسىنىڭ ساياسي كوميسسارى تاۋ داپىڭ، قارۋلى ساقشى بيڭتۋان باس اترەتىنىڭ ساياسي كوميسسارى رىن يانبو شينجياڭدا تۇراتىن اسكەري بولىمدەر اتىنان ءسوز سويلەپ، شينجياڭدا تۇراتىن حالىق ازاتتىق ارمياسى مەن قارۋلى ساقشى بولىمدەرىندەگى كوماندير - جاۋىنگەرلەردىڭ ۇيتقىعا قاراپ باتىل ساپ تۇزەپ، ۇيتقىعا ىلەسىپ، ۇيتقىنى قورعاپ، بارلىق ىستە پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ قولباسشىلىعىنا، بۇيرىعىنا بويسۇناتىن ساياسي تۇرعىسىن تولىق ايگىلەدى؛ شي جينپيڭنىڭ ارميانى قۇدىرەتتەندىرۋ يدەياسىنىڭ جەتەكشىلىگىندە اسكەري بولىمدەردىڭ رەفورما قۇرىلىسىندا، اسكەر جاتتىقتىرىپ سوعىسقا دايىندالۋدا قول جەتكىزگەن جاڭا ناتيجەسىن، جاڭا كەلبەتىن تولىق كورسەتتى؛ شينجياڭدا تۇراتىن اسكەري بولىمدەردىڭ وتاننىڭ بىرلىگى مەن تەرريتوريا تۇتاستىعىن قورعاۋ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ سەنىمى مەن بەكىمىن تولىق ايگىلەدى ءارى اۆتونوميالى رايوندىق پارتكومعا، ۇكىمەتكە جانە بۇكىل شينجياڭداعى ءار ۇلت حالقىنا مەرەكەلىك تىلەك ءبىلدىردى. كوپشىلىك مىنانى ءبىلدىردى: جاڭا جىلدا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، شي جينپيڭنىڭ ارميانى قۇدىرەتتەندىرۋ يدەياسىن ءتۇبىرلى جەتەكشى ەتىپ، «4 تانىمدى» كۇشەيتىپ، شىنايى سوعىس كۇيىندەگى اسكەري جاتتىعۋدى بوساڭسىتپاي مىقتى يگەرىپ، ورنىقتىلىقتى قورعاۋدى بوساڭسىتپاي مىقتى يگەرىپ، شينجياڭنىڭ قوعام ورنىقتىلىعى مەن باياندى تىنىشتىعىنا تىڭ ۇلەستەر قوسۋعا قۇلشىنامىز.


بەرىپ كەت ورامالىڭدى

دوستار

الىستاعى اق ەركە