جاڭا حابارلار

قىزمەت اترەتىندەگىلەر ۋاڭ شاۋشاندى ۇسىنىس ەتىپ، شارۋالارعا وسىمدىك باپتاۋ قىزمەتىنىڭ ماڭىزدىلىعى جونىندە ساباق سويلەتتى

    كەلۋ قاينارى: شينجياڭ حالىق راديو ىستانسياسى    2018-02-14 11:30:07  
سەرىك يمانقان ۇلى بۋرىلتوعايدان حابارلايدى: شارۋالارعا دەرت-دەربەز بەن زياندى جاندىكتەردىڭ الدىن-الۋ احۋالىن دەركەزىندە ۇعىندىرىپ، ەرتە باستان ساقتانۋعا ويداعىداي قىزمەت وتەۋ ءۇشىن، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بويىنشا بۋرىلتوعاي اۋدانى كوكاعاش اۋىلى جولتۇسكەن قىستاعىنا تۇسكەن اۋداندىق ونەركاسىپ-ساۋدانى اكىمشىلىك جاقتان باسقارۋ مەكەمەسىنىڭ قىزمەت اترەتى شىحىزى ۆنيۋەرسيتەتى اۋىل شارۋاشىلىق ينستيتۋتى وسىمدىك باپتاۋ فاكۋلتەتىنىڭ دوتسەنتى، ماگسترانتاتتار جەتەكشىسى ۋاڭ شاۋشاندى ۇسىنىس ەتىپ، شارۋالارعا وسىمدىك باپتاۋ قىزمەتىنىڭ ماڭىزدىلىعى جونىندە ساباق سويلەتتى.
ۋاڭ شاۋشان دوتسەنت جاراتىلستىق جاعداي، كيلمات وزگەرىسى جانە دەرت-دەربەز بەن زياندى جاندىكتىڭ پايدا بولۋى، ەگىس ءدارىسىن تاڭداپ ىستەتۋ سياقتى كوپ جاقتىلى ماسەلەلەر جايلى شارۋالارمەن بۇكپەسىز اڭگىمەلەسىپ، ناقتىلى مىسال، بەينە ەكران سياقتى كوپ ءتۇرلى فورمالارمەن كوپشىلىككە وسىمدىك باپتاۋدىڭ ماڭىزدىلعىن جان-جاقتىلى ءتۇسىندىردى.
ساباق ءوتۋ بارىسىندا شارۋالار ۋاڭ شاۋشان دوتسەنتپەن وي ءبولىستى، شارۋالاردىڭ كوكەيىندەگى كۇدىكتى ماسەلەلەرگە يلانارلىقتاي جاۋاپ بەردى، سونىمەن بىرگە شارۋالارعا دەرت-دەربەزدىڭ الدىن-الۋ جوباسىن كورسەتىپ بەرىپ، الداعى ءوندىرىس بارىسىندا دەرت-دەربەز، زياندى جاندىكتەردەن ءونىمدى ساقتانىپ، ەگىس داقىلدارىنىڭ ءونىم مولشەرىن ارتتىرۋعا بەرىك نەگىز قالادى.
قىستاق تۇرعىنى گو شۋفىڭ : ۋاڭ شاۋشان دوتسەنتتىڭ قىستاعىمىزعا كەلىپ، ەگىس داقىلدارىن دەرت-دەربەزدىڭ زيانىنان قورعاۋ-الدىن الۋ جاعىندا ساباق وتكەنىنە كوپتەن كوپ راحمەت ايتامىز، ۋاڭ شاۋشان دوتسەنتتىڭ وتكەن ساباعى كوكەيگە قونىمدى ەكەن، شارۋالاردىڭ ءوندىرىس جۇمىسىنا سەپتىگى تيەرى داۋسىز. بيىل مەن ەگىس دارىسىنەن ءونىمدى پايدالانىپ، استىقتان مول ءونىم الۋعا قۇلشىنامىن،-دەدى.

بەرىپ كەت ورامالىڭدى

دوستار

الىستاعى اق ەركە