جاڭا حابارلار

سازدىق باقشاداعى مۇز ويۋشىلار

    كەلۋ قاينارى: شينجياڭ حالىق راديو ىستانسياسى    2018-02-14 11:54:21  
سانجى راديو ستانسياسىنىڭ ءتىلشىسى حى شۇيدىڭ حابارىن تىڭداڭىزدار: ماناستاعى مەملەكەتتىك سازدىق باقشاسىندا، مۇز وياتىن ءبىر توپ ادام بار، ولار جىل قۇستارىنىڭ قىستان وتۋىنە بۇرىنعىدان دا تاماشا ورتا جاراتۋ ءۇشىن، قىستىڭ ىزعالى سۋىعىنا قاراماستان، بار كۇشىن سالىپ قۇستاردى قورعادى.
ماناس مەملەكەتتىك سازدىق باقشاسىنداعى كولدە، كۇن سۋىق بولعاندىقتان، كولدىڭ بەتىنە قالىڭ مۇز قاتادى، ەگەر مۇزدى ويماسا، وسىندا مەكەندەيتىن جىل قۇستارىنىڭ تۇرمىس ورتاسى بۇكىلدەي مۇز قۇرسانادى. سونىمەن ءار كۇنى تاڭەرتەڭ، ماناس مەملەكەتتىك سازدىق باقشاسىن باسقارۋ مەكەمەسىنىڭ قورعاۋ اترەتىندەگىندەر ەرتە تۇرىپ، كولدەگى مۇزدى ويادى. 62 جاستاعى باي ليانجىڭ وسى مۇز ويۋشىلاردىڭ بىرەۋى، ول بىلاي دەدى: «ءار كۇنى تاڭەرتەڭ تاڭ بوزىنان تۇرىپ، ەلەڭ-الاڭدا وسىندا كەلىپ، مۇزدى ويۋىمىز قاجەت، كەيدە تايعاناپ كولگە دە ءتۇسىپ كەتەمىز، كول سۋىنىڭ تەرەڭدىگى ءبىر مەتر، مۇنداي كەزدە دەرەۋ ۇيگە قايتىپ كيىم اۋىستىرۋعا تۋرا كەلەدى. ءبىز مۇزدى ويىپ بولعاندا، اققۋلار دا كەلەدى، اققۋلاردىڭ ۋاعىندا سۋ ىشۋىنە قولايلىق جاساۋ ءۇشىن، قانشالىقتى جاپا شەكسەكتە تاتيدى»،-دەدى.
قازىرگە دەيىن، ماناس اۋدانى 290 ميلليون يۋان قارجى قوسىپ، مەملەكەتتىك سازدىق باقشاسىن قورعاۋدى كۇشەيتتى، سازدىقتىڭ اۋماعى بۇرىنعى 90 مىڭ مۋدان كەڭەيتىپ، قازىر 170 مىڭ مۋعا جەتتى. جىل سايىن نەشە 10 مىڭ قۇس قىستا وسى ارانى مەكەندەيدى، ولاردىڭ ىشىندە تەك اققۋدىڭ سانى 500 دەن اسادى. قىستا وسى ارانى مەكەندەيتىن قۇستار سانىنىڭ كوبەيۋىنە بايلانىستى، قورعاۋ اترەتىندەگىلەردىڭ قىزمەت سالماعى دا بىرتىندەپ ارتتى. قورعاۋ اترەتىنىڭ مۇشەسى لۇي شياۋلۇڭ تىلشىگە: «ءار جولعى مۇزىن وياتىن اۋماق ۇلكەن بولماعانىمەن، ءبىراق مۇز قالىڭ بولىپ قاتادى دا، 60 نەشە شارشى مەتر اۋماقتاعى مۇزدى ويۋ ءۇشىن قورعاۋ اترەتىندەگى بەس-التى قىزمەتكەر 2 ساعاتتان ارتىق ابىگەر بولامىز. مۇزدى ويىپ بولعاننان كەيىن، تاعى قۇستارعا جەم شاشامىز»،-دەدى.
بارلىعىن دايىنداعاننان كەيىن، قورعاۋ اترەتىندەگىلەر قۇستاردى جەمگە شاقىرادى دا، ءۇيدى-ۇيىنە قايتادى. قىستا وسى تۇرمىس كۇندە قايتالانادى، شاعان كەزىندە، ولار جانەدە قىزمەت ورنىندا تاباندى بولادى. قورعاۋ اترەتىنىڭ باستىعى ليۋ يۇڭجۇن تىلشىگە بىلاي دەدى: «2018-جىلى قۇستارعا جەم شاشۋ ءتۇيىنىن قايتادان سالامىز، قىسقى سۋلى ءوڭىردىڭ اۋماعىن كەڭەيتىپ، جىل قۇستارىنىڭ قيمىل ورنىن جاقسارتىپ، شارلاۋدى كۇشەيتىپ، قۇستاردى ۇرلاپ اۋلاۋدى قاتاڭ تىزگىندەيمىز».

بەرىپ كەت ورامالىڭدى

دوستار

الىستاعى اق ەركە